!!!!!!!!

Fyrst langar mig að lýsa yfir fullum stuðningi við ljósmæður. Það er náttúrlega ekki nokkur hemja að til að fá nám sitt metið til launahækkunar þurfi þær (þau, ég veit ekki hvort karlkyns ljósmæður finnast á Íslandi) að vinna sem hjúkrunarfæðingar.

 

EN.....

Ég rakst á bloggfærslu um þessa frétt þar sem Sóley nokkur Tómasdóttir öfgafemínisti fjallar um ummæli heilbrigðisráðherra í  Silfri Egils, þar sem hann meðal annars sagði að "menn þyrftu að ná saman". Þessu svaraði Sóley "Ljósmæður eru konur, Björgvin"

Mér er spurn, er orðið "maður" orði bannyrði? Vissulega hefði Björgvin getað sagt að fólk þyrfti að ná saman en ég tók þessu bara þannig að samninga aðilar þyrftu að ná saman og sá ekkert niðrandi í garð kvenna í  þessu. En það er kannski bara ég.

 Ég hef frá blautu barnsbeini staðið í þeirri meiningu að það væri mannkyn sem byggði jörðina en sumir vilja kannski fara að fordæmi Bjarts í Sumarhúsum og skipta þessu í mannkyn og kvenkyn. Ég vil taka það fram að ég er mikill jafnréttis sinni en það er voðalega auðvelt að ganga út í öfgar og svona tittlingaskítur er varla neitt til að fá andateppu yfir, er það?

Verkfall hefst á miðnætti

Athugasemdir

[Jóhann Pétur Pétursson, 11.9.2008 kl. 15:19]

Er það ekki þarna sem að skilur á milli þeirra kvenna (og karla) sem að vilja rétt og aðstöðu karla og kvenna í þessu landi og þeirra sem að eru hreinar og klárar kvenrembur?

Ég bloggaði um svipað málefni þegar að notkun orðsins ráðherra væri niðrandi þegar það vær notað yfir konu. Þar stóð fremst í flokki Steinunn Valdís Óskarsdóttir og flutti tillögum um það að orðið ráðherra væri ekki notað um konur.

Ég hef alltaf staðið í þeirri trú að kvenmaður væri engu minni maður heldur en karlmaður og orðið menn í fleirtölu mætti nota um bæði kynin. Kannski er þetta bara leikur að orðum. En þegar að orð eins og menn er orðið ljótt orð í eyrum öfgafemínista og kvenremba, þá er orðið vandlifað í þessum heimi og eins gott að fara virkilega að vanda orðfæri sitt því að ekki vill maður verða sekur um það að tala niður til kvenna.

[Eva Lind Matthíasdóttir (IP-tala skráð) 11.9.2008 kl. 20:50]

Konur eru líka menn!... var ekki einhver spekingurinn sem sagði það.

Ég lýsi sko yfir fullum stuðningi við ljósmæður.... ef það verður ekki búið að semja fyrir mánaðarmót taka í gildi uppsagnir frá flestum ljósmæðrum á SHA, veir ekki hvort það verði kannski 1 eða 2 eftir... sem kemur sér bara alls ekki vel því ég var það heppin þegar ég átti stelpuna mína að hafa eina ljósu hjá mér og einn nema. Auk þess að Gunni var þar líka og 1 læknir.....

Ef ég þarf að fara uppá deild með hríðir og það verður bara ein þreytt og uppgefin ljósa þá verð ég vonsvikin, reið og pirruð útí íslensku ríkisstjórnina!

[Jóhann Pétur Pétursson, 13.9.2008 kl. 00:07]

KLUKK